Edizio kritikoaren iturriak: LBSB
Autorea: Gandiaga, Bitoriano
Iturriaren izena: [Laurogeitabost/sei bilduma]
Argitalpen-datuak: Daktilografiaten bilduma, 48 orri
Iturriaren urtea: 1985-86
Orrialde-kopurua: 48 orri
Testu-kopurua: 49
Dokumentu mota: Daktilografia
Sailkapena-1: Bilduma
Sailkapena-2: 3.2. Bilduma-G
Kanpo-deskripzioa: DinA-4 formatuko orrien sorta da, alde bakarrean daktilografiatuta; zenbakituta daude orriak –42bis ere badago–. Olerki gehienek idazte-data daramate: 1985 edo 1986. Batzuetan hilabetea ere bai, eta inoiz eguna ere bai.
Edukia: Denetara 49 dira olerkiak, azkenekoan bi daudelako, Bilduma hau kopia bat baino gehiagotan iritsi zaigu: Gehienen eskuzko kopia jatorrizkoa ere badago. Eskuzkoak eta makinazko kopia nagusiko orriak AOB karpetetan daude banatuta, bakoitzari dagokion lekuan; horiek identifikatzeko eta bilatzeko AOB-B idatzi dugu iturrian. Osorik eta batean gorde nahi izan dugu bilduma karpeta berezian, "Laurogehitabost/sei bilduma" izenekoan. Karpeta horretan hiru atal daude, ordea, kolorezko paper batez bereizita: a) lehen atalean bilduma osoaren kopia dago, normalean AOB-n banaturikoen kalkoak direnena; b) bigarren atalean, horietako hainbaten fotokopien sorta dator –horietan inoiz eskuzko ohar txikiren bat ere badator, eta horrelakoetan horien kopia egin dugu AOB-rako–; c) hirugarren atalean, sortako zenbait olerkiren makinazko kopiak daude; testuan berdinak dira horiek, baina berriro daktilografiatuta daude.
Gaiak: Horrelaxe, sorta moduan iritsi zaigu Gandiagaren artxiboan. Bildumak ez du erabateko batasunik gaien aldetik, baina horietako asko Liturgiako kanta-testuak dira, seguruenik Pello Zabalak musikatzeko idatziak.
Datazioa: Testuen idazte-urteak goian adierazi ditugu: 1985-86; LBSB bilduma bera ere garai hartan egindako izan daiteke.
Bestelako oharrak: Seguruenik Dionisio Arrutik egindako daktilografiatze-lan haietakoa da bilduma hau. Gandiagaren hainbat eskuizkribu daktilografiatu zituen berak.
