Literatur idazlanak
GDA^
Jaio den Apurtxoak
sekulako berri on
sekulakoa dakar:
Aita duen Jainkoak
hain gaituela maite,
non-ta Semea digun
eskaini Salbatzaile.
Jaio den Apurtxoak
badakar zer hau ere:
horren azalduz pobre,
klase-borrokan Bere
aukera du agertu:
non den ta noren alde
dagoen, alafede.
Jaio den Apurtxoak
maitasun-legea du
aberats eta pobre
guztientzat ezarri;
epaitzekoan ere
arau hori izango
omen du neurri-lege
Jaio den Apurtxoak
"Mendiko hitzaldia"
dakar zorionbide: [I]
ezbehar-nahigabetan
zintzo ta oker gabe
bihotz garbiz denetan
iharduteko poz-deia.
Edizio kritikoa: Paulo Agirrebaltzategi
