Literatur idazlanak
GDA^
Inoiz garairik izan
baldin bada beltza,
garai hauxe benetan, (1)
beltza ta traketsa.
Garai hontan Gabona
ez al da ametsa?
Zein da Gabonen funtsa.
Gabonen papera?
Gauerdiko ahuntzaren
eztula ote da?
Edo pobreen betiko
utopia-zera?
Horra, baina, Gabona
berriz ere Gabon;
horra armen artean
betiko berri on;
ilun dagoen arren
bada zer itxaron!
Potentzia itzelak
zein handiagoka;
elkarrentzat ez dute
ezpada erronka. (2)
Bitartean Gabonak
zer zeregin dauka?
Zein da Gabonen funtsa.
Gabonen papera?
Gauerdiko ahuntzaren
eztula ote da?
Edo pobreen betiko
utopia-zera?
Horra, baina, Gabona
berriz ere Gabon;
horra armen artean
betiko berri on;
ilun dagoen arren
bada zer itxaron!
Arma nuklear eta (3)
misilez mundua;
ez da txantxetakoa
gerra-arriskua.
Zein da parada hontan
Gabonen pisua?
Zein da Gabonen funtsa.
Gabonen papera?
Gauerdiko ahuntzaren
eztula ote da?
Edo pobreen betiko
utopia-zera?
Horra, baina, Gabona
berriz ere Gabon;
horra armen artean
betiko berri on;
ilun dagoen arren
bada zer itxaron!
1983. abenduak 13
