Literatur idazlanak
Ik. Olerkiaren konposizio grafikoa .pdf formatuan
AOB^
"Aizkorriko kurtzeko
krabelin gorrixa,
Zeamako neskatxen
kontsolagarrixa".
(Pandero-kanta. Maria Ugarte)
Aizkorriko puntan,
puntaren puntako,
bi besoak zabal,
krabelin oparo,
kontsolagarria,
gurutzea dago.
Aizkorrin lau belar,
erruz haizkorria,
ta, zutik loretan
hamabiorria*,
bihotz asegarri
krabelin gorria.
Aizkorri maitasun,
Aizkorri krabelin,
pentsamentua maiz
jartzen dut Aizkorrin,
kontsolagarria
han baita ikurrin.
Zazpi haizetara
zazpi besarkada,
nik maite dudana
txit maitebera da,
amodio-zauriz
bizi den bera da.
Aizkorriko puntak
badu bere tira,
krabelin finaren
bazkoa-diztira,
kontsolagarria
dut handik begira.
1994ko apirilak 16
