Literatur idazlanak
ZKA^
Heriotzaren erreinu (1)
herri hain itzaltsu hontan,
lur maitagarriak ba du
bizitzarik erraietan.
+++
Lur emazte (2)
lurra dut kantakizun:
landu dudan lurra,
izerditan hazia,
erein diodana.
Lurra dut kantakizun:
hazia fruitutan
bilakatu didan
emazte emankorra.
Lurra dut kantakizun:
ukitu bakoitza
oihartzun oparotan
erantzun didana.
Lurra dut kantakizun:
bere joritasun
ederrean, hain esker
oneko dudana.
Lurra dut kantakizun:
nire Eden lurra da, (3)
hats-emaile iturri
eta neke-lagun.
Gaia 1: Lurra
Edizio kritikoa: Paulo Agirrebaltzategi
