Literatur idazlanak
HGB-2^
Halaxe:
latza da kateari
–norbere lepotik hormako txingara* dagoen hari–,
tirak eta ostikadak ematea.
Baina, behin gehiago arren,
ematera noakio.
Hain lotuta nago ezinari
–herriak nahi baina, ezin duen lasaialdi hari–,
ta, odolak –herriko odolak–,
zain-alde guztietatik zirikatu narama,
iristea sekula
espero ez dudan haura
nahi dugula iritxi,
aldarrikatzera.
Ta, halaxe, behin gehiago arren,
salatzera noa
zentralismu-katea
ezin dugula jasan,
ezta uniformatu
nahi gaituen harako
zilindro gaiztoa,
ezta isil nahi gaituen
sordina ez-entzun-nahi
entzungorrezkoa.
Edizio kritikoa: Paulo Agirrebaltzategi
