Bitoriano Gandiaga

Literatur idazlanak

AOB^

Beharrez ixilik daudenen ahotsa
maite dut.
Ixildu-beharrez oztotsak
handitzen dituan ixilen barruko burrunba;
bihotzak
musura ertetzen dienen
ixil estuaren lamada gorrien
bero eta bultza. (1)
Odola, erraiak, ezurrak otordu luzetan,
[urteetan] (2)
jan eta edanez bizi da ahotsa.
Itxaso barruko uraren antzeko
abots sakon eta astuna
gatzduna (3)
maite dut. Aizerik astintzen ez duan ahotsa,
orbelik jasotzen ez duan ahotsa,
olatu-akerrik arrotzen ez duan ahotsa.
Ixildu beharra, beharrez lertzera (4)
behartuko bai du orduren batean
ekaitza. (5)

Gaia 1: Bizitza
Edizio kritikoa: Paulo Agirrebaltzategi
Gipuzkoa.net-aren logoa