Bitoriano Gandiaga

Literatur idazlanak

UBM-1^

Sor eta gor gizonak
As ala Marca-ren orritara.
Lanerako jantziz gizonak
Metroko jarleku gogorretan
ala jendarte herstuaren erdian
kirol-larien [sic] azken ihardunen berritan zehar igeri.
Alferrik daramatzate
nekearen ala kezkaren hildoak aurpegitan
lur biluzean ur lasterrak egindako gastadura halakoak.
Orriz orri gizonak
mugarik ez lukeen zelaidiz hala,
geltoki batetik besterako herstumenezko baketan.
Gero astrapalan* tolesten dute zerua
eta besapean ala poltsikoan gordetzen dute
Metroko tunelez azkarrago egiteko
halabeharrezko arlo
nahi ta nahiezkotara.

Gaia 1: Jendea
Gaia 2: Bizitza
Azpi-gaia: Bizitza: Lana
Edizio kritikoa: Paulo Agirrebaltzategi
Gipuzkoa.net-aren logoa