Bitoriano Gandiaga

Literatur idazlanak

ABG-1^

Errekan behera ura
gero ta beherago
bizitza hasburutik
ibilian [joanean] dago,
batzuena geldiro,
besteena azkarrago,
gehienena nahi baino
askoz bizkorrago.

Akaberan amaia
nahitaez heltzen da,
erreka itsasoan
betiko galtzen da,
ur bata beste uraz
batean biltzen da,
zihoana zegoen
hartan murgiltzen da.

Gaia 1: Bizitza
Azpi-gaia: Bizitza: Heriotza
Edizio kritikoa: Paulo Agirrebaltzategi
Gipuzkoa.net-aren logoa