Literatur idazlanak
GDA^
Etortzekoa badator
mendeak zehar ibilkor;
jaiotzekoa ez da sor:
Abenduaren hogeitalaua
albiste dirdaitsuz [galantez] dator.
Izarren argi berritan,
non hobearen urritan,
harpe baten aterritan,
ume bat erne zaigu Belenen
gauerdiko hozkirritan.
Negu-mugako Eguzki,
betieretik haundizki,
Aitaren argitik dizti,
gizakiaren jantzi ahuletan
hor zaduzkagu gorpuzti.
Bozkariozko balastan*,
hortxe gaituzu sehaskan,
begiramendu ta laztan;
Jaungoikotasun eztia duzu
gorputzeko abaraskan.
1985
Edizio kritikoa: Paulo Agirrebaltzategi
