Bitoriano Gandiaga

Literatur idazlanak

AAP^

1951-1954. Erdal Literatura ugari eta ederrik ezagutzen nuen ordurako. Euskal Literaturatik ezer ez. [I]
Tarte hortan ezagutu nuen Lauaxetaz gainera Lizardi.
Gaien handitasun eta prestutasunaz gainera hizkuntza txukun, aberats eta bizkorra aurkitu nuen Lizardirengan. Benetako poesia ere bai.
Latindarren artean Horacio eta Virgilio eta Espainatarren artean Leongo Fray Luis eta Gurutzeko San Juan benetako jarraibide ta helburu edertzat hartu nituen bezala euskal poesiarako Lauaxetarekin Lizardi aukeratu nuen gidari eta maixutzat.
Salbatore Mitxelena eta Orixe ere garai hortan ezagutu nituen, baina jendeak Lizarditar bezala ikusi nauenez, Lizardiren irain ez baledi, niretzat gauza handia dela aitortu behar dut haren jarraitzale-itxura izatea. [II]
Gaur ezin nezake euskal literaturarik ezer ezagutzen ez dudanik esan. Izar berri asko sortu da azken 25 urteotan. Beste hainbeste izen antzinako ere ezagutu ahal izan dut argitalpen berriei esker.
Lizardi, bera moduko, handi eta eder ikusten dut gure poetek osatzen duten izar-taldean.
Gaurko poeten alde, gai berriak aurkitzez [sic] gainera, neurri batetan gai hoiei dagokien hizkuntza idorotea izan dela, diot.
Irakur zatiak: (Txakolinaren Ospaketa alkar-hizketa bezala jarri nuenez, zailtxoa da irakurtzeko eta) [III] "Guk dakigun egia bat", "Gure egia", "Nire herriak bezala", "Ez aingeruk eta ez arranok", "Egon gaude", "Begira gaua eta ikus" eta "Hil ondoren" irakurriko nituzke.

Gaia 1: Poeta
Gaia 2: Idazlea
Edizio kritikoa: Paulo Agirrebaltzategi
Gipuzkoa.net-aren logoa