Literatur idazlanak
GRZ^
Otsailak 6
San Martin eta lagun martiriak
Igokundeko San Martin,
apostolu ta martiri,
gurutzean aintza zuri.
Kristo Jaun iltzatuaren
errainu eta irudi! (1)
Munduan etorkizunak
nahiz zekarkizun distia,
ahalmena eta eztia,
Kristo irabaztearren
utzi zenuen guztia.
San Frantziskoren eskolan,
Kristo izaki liburu,
saiatu zinen aiduru
zerbitzu maitezkoaren
bide seguruz seguru.
Sinesgabeen lurraldetan
fedea zabaldu nahiak
hartu zizkizun erraiak,
hortik zure prestakuntza,
otoitza eta gogaiak.
Apal eta adoretsu (2)
Jesu Kristoren antzera
heldu zinen gurutzera
maitasunezko eskaintzan
martirioa hartzera.
Aintza dohainen Aitari,
aintza habean hilari,
aintza Espirituari,
aintza martirien ospe
Hirutasun Santuari.
Amen.
Gaia 1: Gorazarrea
Edizio kritikoa: Paulo Agirrebaltzategi
