Literatur idazlanak
GRZ^
Azaroak 13
San Diego
San Diego bihotz gozo,
erruki zabalekoa,
frantziskotarren Ordenan
izar handietakoa,
zu bai zinela jatorra,
apala eta xaloa!
Txiroei laguntzen laua,
mena gaixoei laguntzen;
ezbehartu eta jende
baztertuari zerbitzen,
hurkoen alde lanean,
etzinen inoiz nekatzen.
Gizakiaren premiak,
gorputz-arimetakoak,
horiek ziren zuretzat
arazo benetakoak,
entregu eta ahalegin
gorenez betetzekoak.
Berri onaren berria
ematen zinen saiatu,
Kanarietan zenuen
fedea aldarrikatu,
martiritza-egarriak
zintuen martirizatu.
Barau eta otoitzean
zaildu eta bortiztua,
Erregela santuaren (1)
jarraitzaile txit prestua,
oparo garatu zinen
kastitatez babestua.
Aintza dohainez edertu
zintuen Jainko Aitari,
aintza haren Seme gure Jaun
berrerosle _iltzatuari,
aintza haiengandik dugun
Espiritu Santuari.
Amen.
