Literatur idazlanak
L1G^
Egun batean gizon egin zen
Jainko berbera den Hitza
gizonarengan txertatu asmoz
hil ezina den bizitza.
Gertakizun hau dugu Berri On
grazia deitu emaitza.
Hauxe da gure pozbide bakar,
hontaz behar dugu mintza
aldarrikatuz herririk herri
salbaziozko jakintza:
Jainko maitasun egintza.
Berri Onaren berria eman,
jakin arazi grazia,
hauxe da Jaunak bere aldetik
eskatzen digun guztia.
Hontan ari da Eliza eta
hau da kristauon hauzia [sic],
mezularitzan agurgarri da
mixiolari handia,
lur berri bila, non zabalduko
salbaziozko hazia:
Jaunagandiko bizia.
Gaur hemen dugu geure artean
Ildepontso lagun mina [I]
urrutietan hainbeste urtez
hainbat lan eder egina.
Gugaz igaro duen aldia
ez dakiola samina.
Berriz dijoa Mixiotara
dei gorenak eragina.
Bekio lana erosoa ta
oparoa etekina:
Jauna baitan atsegina.
Pazko garaia, pozaren aldi,
Ildepontsoren bisita,
ospa dezagun gertakizuna
fede mailara jaikita:
Hil zena bizi, piztu da Kristo,
Herio hilik utzita.
Berpiztu dena gurekin dago
gu piztu-minez hazita
bizitz-iturri zazpikoitzean [II]
betetasunez hautsita,
Jainkoz gaitezen jantzita.
