Literatur idazlanak
GRZ^
Otsailak 22
Cortonako Santa Margarita - II
Jesus oihu gozoz artzain zabiltzana,
bedeinkatua zu eta zure lana,
salbagarria da zure deien xarma.
Bekatu-bidea betikoz utzita
zeure artaldera dator Margarita,
zeure maite-bozen deiak ekarrita.
Magdalena berri, damu ta negarrez,
hor zaizu hurbildu, gantzuki ederrez,
maitasun hutsezko maitatu beharrez.
Gauza ederra da geroko guztia,
elkarrekin izan duzuen eztia,
bata argia ta bestea distia.
Aintza Aitari ta aintza Semeari,
aintza bera bien Espirituari,
aintza Hirutasun santutzaileari.
Amen.
Gaia 1: Gorazarrea
Edizio kritikoa: Paulo Agirrebaltzategi
