Bitoriano Gandiaga

Literatur idazlanak

AOB^

Jainkoa dugu aitortzen
bizitzaren sortzaile
Jainkoa bizitzaren
babes eta zaintzaile.
Jainkoa dugu aitortzen
bizitzaren eguzki,
Jainkoa bizitzaren
arnasgai eta euri.

Jainkoa bizitzaren
maitale dugu sinesten,
Jainkoa bizitzaren
sostengu dugu aitortzen
"bizia maite duen"
Jainkoa dugu goraltzen.

Bizitza da Jainkoa
Jainkoak gaitu bizitzen,
Jainkoak du bizitza
gauzatzen eta alaitzen,
Jainko biziarengan
dugu bizitza ospatzen.

Gaia 1: Jainkoa
Gaia 2: Bizitza
Azpi-gaia: Bizitza: Bizitza
Edizio kritikoa: Paulo Agirrebaltzategi
Gipuzkoa.net-aren logoa